لي كل الحق في أن أحلم! لأن الأحلام هي الشئ الوحيد المباح في عالم الوحوش

أرفرف بجناحي بين النيران دون خوف

أنشر أفكاري بصوت جهور بين الحشود دون تردد

أقر حقوقا .. أظهر حقا.. وأدحض باطلا ..دون نظرة متأرجحة بين المصالح

أمسك بيد الخير لأرفعه عاليا

وأشد حبال الشر وأقطعها بلا هوادة

أصرخ بلاااااا ..حينما أريد وفي وجه من أريد

أشرق شمسا تنير الطريق الطويل الذي لن نعبره أبدا بخير مايكون الا في الأحلام الوردية

خاصتي

أمسك بيدي يالله فلاأود أن أستكين يوما

أوأضيع غرقا في بحور الخوف

مقتنعة جدا ان طول مافي في مصر أفكار بنائة يبقى بر الأمان مقرب قوي مننا, وطول ماقلوب ولادها دافية و

حاضنة مصلحة بلدنا بحنية أمهاتنا المصريين يبقى احنا لسة بخير

واحنا بصراحة بدأنا حتة حملة صغيرة وهايلة

هتسألوني انتوا مين؟

وحملة ايه ديه؟

هأقول لكوا أحنا شوية شباب مصريين عندنا أمل كبير في بلد نظيف يشرفنا قدام العالم

شوفوا اللوجو ده

ايه رأيكم في شوارع نظيفة؟

في توعية بسيطة تتحول مع الوقت لمبدأ في الحياة؟

طولت ولسة مش فاهمني؟

أحنا مجموعة من الشباب خبطت على عقولنا فكرة ونادت بأعلى صوت "قوموا ,اتحركوا ونظفوا بلدكم من أسلحة

الدمار بعيدة المدى

الحقوني قبل ما نندم كلنا ومانلاقيش وقت نتراجع فيه" وبصراحة

ماكدبناش خبر

نشرنا بوسترات دعائية وانتشروا كل صحابنا يعملوا دعاية للحملة في كل الأماكن اللي يقدروا عليها

لو عايزين تشاركونا بجد يللا معانا في كل مكان ساعدوا الحملة وانشروا نشاطها

في الجامعات

في النوادي

في التلفزيون أو الراديوأو الجرائد

في التشات والنت

في التيليفون حتى

وكمان اللي عندوا موهبة في الرسم أو الفوتوشوب ممكن يساعدنا جدا

ابعتوا كمان أي اقتراحات على الميل ده

NadafaCampaign@yahoogroups.com